ಹೂವಿನ ಬೆಳೆಗಾರರ ಸಹಕಾರ ಸಂಘವು ನಿ. ಕಾರ್ಕಳ ತಾಲೂಕು ಮಟ್ಟದ ಸಹಕಾರ ಸಂಘವು ಕಾರ್ಕಳದಲ್ಲಿ ಆರಂಭವಾಗಿದ್ದು ಇದೀಗ ಜಿಲ್ಲಾ ಮಟ್ಟದ ಮಾನ್ಯತೆ ಪಡೆದ ಸಹಕಾರ ಸಂಘವಾಗಿದೆ ಈ ಸಹಕಾರ ಸಂಘವು ಹೂವಿನ ಬೆಳೆಗಾರರಿಗೆ ಎಲ್ಲ ವಿಧದಲ್ಲಿ ಸಹಕಾರಿಯಾಗುವುದು ಹಾಗು ಸಹಕಾರ ಸಂಘವು ಹೂವಿನ ಬೆಳೆಗಾರರ ಮತ್ತು ಸರಕಾರದ ನಡುವೆ ಕೊಂಡಿಯಾಗಿ ಸರಕಾರದಿಂದ ಕಾಲಕಾಲಕ್ಕೆ ಸಿಗುವ ಸವಲತ್ತನ್ನು ತಮಗೆ ದೊರಕಿಸಿಕೊಳಲ್ಲಲು ಶ್ರಮಿಸುವುದು ಮತ್ತು ಕಾಲಕಾಲಕ್ಕೆ ಬೆಳೆಗಾರರಿಗೆ ಗಿಡ, ಬೆಳೆ, ನಿರ್ವಹಣೆಗೆ ಬೇಕಾದ ಮಾಹಿತಿ ಕೀಟನಾಶಕ ಧನ ಸಹಾಯ ಒದಗಿಸುವುದು ಮುಂತಾದ ಸಮಾಜದ ಕೆಲಸಗಳನ್ನು ನೆರವೇರಿಸಿ ಸದಸ್ಯರ ಅಭಿವೃದ್ಧಿಗೆ ಶ್ರಮಿಸುವುದು.

ಕರ್ನಾಟಕ ರಾಜ್ಯದಲ್ಲಿ ಹೂವಿನ ಬೆಳೆಗಾರರ ಸಹಕಾರ ಸಂಘದ ಆಲೋಚನೆಯು ಪ್ರಪ್ರಥಮದ್ದಾಗಿರುತ್ತದೆ ನಾವು ಹೂವಿನ ಬೆಳೆಗಾರರ ಕಷ್ಟ ನಷ್ಟ ಸಂಕಷ್ಟಗಳನ್ನು ಸರಕಾರದ ಗಮನಕ್ಕೆ ತಂದು, ಸರಕಾರದಿಂದ ಸಿಗುವ ಸೌಲಭ್ಯಗಳನ್ನು ಬೆಳೆಗಾರರಿಗೆ ತಲುಪಿಸುವಲ್ಲಿ ಮುತುವರ್ಜಿ ವಹಿಸುತ್ತದೆ.

ಹೂವಿನ ಬೆಳೆಗಾರರಿಗೆ ಸಕಾಲದಲ್ಲಿ ಹೂವಿನ ಗಿಡ, ನಾಟಿ ಕ್ರಮ, ಆರೈಕೆ, ಕಾಯಿಲೆ, ಮದ್ದು, ವ್ಯಾಪಾರ ವ್ಯವಹಾರದ ಬಗ್ಗೆ ಕಾಲ ಕಾಲಕ್ಕೆ ನಿಯಮಿತವಾಗಿ ಲಭ್ಯ ಮಾಧ್ಯಮಗಳ ಮುಖಾಂತರ ಸೂಕ್ತ ಮಾಹಿತಿಯನ್ನು ಒದಗಿಸುವ ಕೆಲಸವನ್ನು ಮಾಡುತ್ತೇವೆ.

ಎಲ್ಲಾ ವರ್ಗದ ಜನಸಾಮಾನ್ಯರಿಗಾಗಿ ಬ್ಯಾಂಕಿಂಗ್ ವ್ಯವಹಾರವನ್ನು ನಡೆಸುತ್ತೇವೆ ಹೂವಿನ ಬೆಳೆಗಾರರ ಸಹಕಾರ ಸಂಘವು ದಿನಾಂಕ 17-03-2021 ರಂದು ಉದ್ಘಾಟನೆಗೊಂಡು ಉತ್ತಮವಾದ ಸೇವೆಯನ್ನು ಒದಗಿಸುತ್ತ ಬರುತ್ತಿದೆ. ನಮ್ಮ ಸಹಕಾರ ಸಂಘವು ಸದಸ್ಯರ ನಡುವೆ ಮಿತವ್ಯಯ ಪರಸ್ಪರ ಸ್ವ ಸಹಾಯ ಮತ್ತು ಸಹಕಾರದ ಮನೋಭಾವನೆಯ ಅಭ್ಯಾಸವನ್ನು ಉತ್ತೇಜಿಸಲು ಹಾಗು ನಿಯಮಿತ ಉಳಿತಾಯವನ್ನು ಉತ್ತೇಜಿಸಲು ಹಾಗು ಉತ್ಪಾದಕ ಉದ್ದೇಶ ಹೊಂದಿರುವ ಸದಸ್ಯರಿಗೆ ಅವರ ಅಗತ್ಯಗಳಿಗೆ ಅನುಸಾರವಾಗಿ ಸಾಲವನ್ನು ಒದಗಿಸುವ ಕೆಲಸವನ್ನು ನಿರ್ವಹಿಸುತ್ತೇವೆ.